Home / Habari Za Kitaifa / Trafiki wawili wauawa Kibiti, gari lao lachomwa moto

Trafiki wawili wauawa Kibiti, gari lao lachomwa moto

ASKARI Polisi wawili wa Kikosi cha Usalama Barabarani wilayani Kibiti mkoani Pwani wameuawa kwa kupigwa risasi na watu wasiojulikana katika Kijiji cha Msafiri, Kata ya Bungu wakiwa kazini.

Mbali na kupigwa risasi, pia watu hao wamechoma moto gari moja na pikipiki moja za askari hao kisha kutokomea kusikojulikana. Kamanda wa Polisi Mkoa wa Pwani, Onesmo Lyanga alithibitisha mauaji hayo. Kwa mujibu wa taarifa kutoka Kibiti, trafiki hao waliouawa wametambuliwa kwa majina ya Sajini Salum na Konstebo Masola.

Inadaiwa askari mwingine alinusurika katika shambulio la jana mchana. Tukio hilo lilitokea kilometa chache kutoka walikouawa askari polisi wanane kwa kupigwa risasi. Askari hao wanane waliuawa katika eneo la Mkengeni walipokuwa wakitoka doria Kijiji cha Jaribu.

Ndani ya wiki tatu, watu sita wameuawa Kibiti na Rufiji huku mmoja akinusurika kifo kwa kupigwa risasi ya kichwa. Kumekuwapo na matukio ya mauaji katika wilaya za Kibiti na Rufiji katika siku za karibuni na hakuna sababu hasa za mauaji hayo ambayo yamelaaniwa kila pembe.

Akihutubia wananchi mjini Kibaha juzi katika siku ya kwanza ya ziara yake mkoani Pwani, Rais John Magufuli aliwataka wananchi wa wilaya hizo waache kuwaficha wahalifu kwa sababu wanawajua, ili wasiendelee kurudisha nyuma maendeleo yao.

Alisema ikiwa hawatatoa ushirikiano kwa Jeshi la Polisi ili kumaliza uhalifu na mauaji kwenye maeneo hayo, watakuwa wanarudisha nyuma maendeleo yao wao wenyewe.

About komaji

Naitwa Ramadhani Shabani Komaji , Ni kijana wa Kitanzania mwenye upendondo na Kila Mwanadamu , Amani upendo furaha ndiyo Faraja ya maisha yangu, Tovuti yetu inazungumzia mambo yote ya kijamii na Kiimani mwenye kupenda kuchangia maendeleo na uboreshaji wa Tovuti yetu twamkaribisha sana +255655004100

Check Also

Wanawake 500 kujadili fursa leo

TAKRIBANI wanawake 500 kutoka nchi 25 za Afrika, wanatarajiwa kukutana nchini leo, katika kongamano la …

Leave a Reply

Your email address will not be published. Required fields are marked *