Home / Habari za Kimataifa / Rais wa Korea Kaskazini na Kusini wakubaliana kufanikisha mazungumzo yajayo

Rais wa Korea Kaskazini na Kusini wakubaliana kufanikisha mazungumzo yajayo

Rais wa Korea Kaskazini bado ana nia ya kufanikisha mazungumzo

Ni nia ya kiongozi wa Korea Kaskazini, Kim Jong-un kuwa mkutano kati yake na Rais wa Marekani Donald Trump uendelee, imeeleza taarifa ya vyombo vya habari vya Korea Kaskazini.

Hii ni kutokana na mkutano wa kushtukiza wa siku ya Jumamosi kati ya Kim na Rais wa Korea Kusini, Moon Jae-in.

Rais Trump alisitisha mkutano uliopangwa kufanyika tarehe 12 mwezi Juni kuzungumzia mpango wa nuklia wa Korea Kaskazini, lakini alisema Jumamosi kuwa mambo yanaendelea vizuri sana

Wakati huo huo ujumbe wa Marekani uliripotiwa kwenda Korea Kaskazini siku ya Jumapili.

Balozi wa zamani wa Marekani nchini Korea Kusini, Sung Kim, atafanya mazungumzo na naibu waziri wa mambo ya nje wa Korea Kaskazini kuhusu maandalizi ya mkutano, vyombo vya habari vya Marekani na Korea Kusini vimeeleza.

Mkutano huo ni matunda ya jitihada za kidiplomasia ambazo zilianza mwaka huu kujaribu kuondoa hali ya msuguano uliohofiwa kugeuka kuwa makabiliano ya kijeshi kati ya Korea Kaskazini, Korea Kusini, na Marekani.

Viongozi wa Korea wafanya mkutano wa ghafla

Trump: Kim Jong-un akibadilisha mawazo anipigie simu

Kilitokea nini kwenye mkutano wa kushtukiza wa Jumamosi

Rais Moon amesema yeye na Rais Kim wamekubaliana mkutano wa tarehe 12 Juni uwe wa mafanikio na Kiongozi wa Korea Kaskazini kwa mara nyingine ameweka wazi nia yake ya kuondosha silaha za nuklia katika rasi ya Korea.

Lakini Moon amesema Kim hana uhakika kama nchi yake inaweza kuiamini Marekani na ahadi yake ya kumaliza mahusiano yao ya uhasama.

Viongozi hao wa juu watakuwa na mazungumzo zaidi siku ya Ijumaa.

About komaji

Naitwa Ramadhani Shabani Komaji , Ni kijana wa Kitanzania mwenye upendondo na Kila Mwanadamu , Amani upendo furaha ndiyo Faraja ya maisha yangu, Tovuti yetu inazungumzia mambo yote ya kijamii na Kiimani mwenye kupenda kuchangia maendeleo na uboreshaji wa Tovuti yetu twamkaribisha sana +255655004100

Check Also

Kumekuwa na maneno makali kutoka kwa Rais Donald Trump kuelekea mkutano wa mataifa tajiri G7 unaotarajiwa kufanyika nchini Canada

Rais Trump atoa matamko makali Kumekuwa na maneno makali kutoka kwa Rais Donald Trump kuelekea …

Leave a Reply

Your email address will not be published. Required fields are marked *